Беларус апублікаваў у TikTok відэа, у якім паскардзіўся на хуткасць інтэрнэту ад РУП «Белтэлекам». Паводле яго слоў, рэальныя паказчыкі аказаліся значна ніжэйшымі за тыя, што абяцае аператар у рамках тарыфу «Ясна Smart», якім карыстаецца мужчына.
Чытайце таксама: «Няма інтэрнэту — няма праблемаў»: беларусы ўсё часцей скардзяцца на сувязь, а ўлады прасоўваюць кантраляваныя сэрвісы
У роліку мужчына кажа, што плаціць за адзін з самых дарагіх інтэрнэт-пакетаў кампаніі — каля 65 рублёў у месяц. Пры гэтым, паводле інфармацыі на сайце аператара, тарыф павінен забяспечваць хуткасць да 500 Мбіт/с на спампоўванне і да 250 Мбіт/с на загрузку.
Якую хуткасць паказаў тэст
На кадрах з відэа бачна, што пры праверцы праз Wi-Fi хуткасць інтэрнэту была значна ніжэйшая за заяўленую.
На адной з прылад тэст паказаў каля 94 Мбіт/с на спампоўванне і 88 Мбіт/с на загрузку. На іншай — прыкладна 66 Мбіт/с і 25 Мбіт/с адпаведна.
Вось, як у роліку мужчына каментуе сітуацыю: «Белтэлекам, за што я плачу грошы? Самы магутны тарыф, як вы пішаце на сайце, агнявы інтэрнэт. Мне страшна ўявіць, што будзе, калі б тарыф быў “Ясна 200”».
@latysiz Ну что? Где скорость? #беларусь #белтелеком #интернет #вопрос #обсуждение ♬ оригинальный звук — Valery life
Відэа завірусілася ў TikTok усяго за тры дні: па стане на 28.05.2026 яно налічвае амаль 500 тыс. праглядаў і больш амаль 10000 падабаек.
Падобныя скаргі ўзнікаюць рэгулярна
Гэта не першы выпадак, калі беларусы публічна скардзяцца на якасць паслуг «Белтэлекама». Часцей за ўсё людзі згадваюць нестабільную працу інтэрнэту, праблемы з тэлебачаннем, перапынкі ў сувязі і хуткасць, якая не адпавядае чаканням.
Раней шырока абмяркоўвалася гісторыя жыхара Слуцка, які пасля спробы замяніць мадэм на некалькі дзён застаўся без інтэрнэту і сувязі.
Іншы рэзанансны выпадак адбыўся з мінчанкай Палінай, якая таксама расказала ў TikTok пра праблемы пасля падключэння новага тарыфу ад «Белтэлекама». Паводле яе слоў, кампанія абяцала больш высокую хуткасць інтэрнэту, аднак на практыцы сетка працавала настолькі павольна, што ўвечары не загружаўся нават фільм.
Пасля публікацыі роліка з ёй звязаліся прадстаўнікі аператара. У выніку ёй замянілі роўтэр, і якасць сувязі палепшылася. Аднак жанчына адзначыла, што без агалоскі ў TikTok вырашыць праблему не атрымлівалася.
Для правайдэраў хочуць павялічыць штрафы
Тэма якасці інтэрнэту апошнім часам усё часцей уздымаецца і на дзяржаўным узроўні. У Беларусі ўжо прынялі законапраект, які прадугледжвае больш жорсткую адказнасць для кампаній, што аказваюць паслугі сувязі.
Згодна з новым праектам, улады істотна павялічылі штрафы за праблемы з якасцю інтэрнэту і сувязі. Для юрыдычных асоб максімальныя штрафы выраслі да 1000 базавых велічынь, а для індывідуальных прадпрымальнікаў — да 200 базавых.
Аўтары ініцыятывы заяўляюць, што такія меры павінны прымусіць аператараў больш укладвацца ў развіццё і мадэрнізацыю сетак.
Ніхто не ведае, які сайт у вашай краіне заблакуюць заўтра раніцай. Не чакайце, пакуль ваш інтэрнэт канчаткова ператворыцца ў пустыню. Будзьце гатовыя да любых забарон разам з BGlobalVPN.
Заставайцеся на сувязі. Спасылка на падключэнне BGlobal VPN — тут
Інтэрнэт стаў «умоўна безлімітным»
BGmedia ужо паведамляла пра тое, што ў Беларусі ўжо змяніліся правілы прадастаўлення інтэрнэту. Згодна з пастановай Мінсувязі № 38 ад 22 снежня 2025 года, аператары павінны прадастаўляць максімальную хуткасць толькі ў межах першых 30 ГБ трафіку за месяц.
Пасля выкарыстання гэтага аб’ёму хуткасць можа аўтаматычна зніжацца да 1 Мбіт/с. Каб вярнуць высокую хуткасць, абанентам прапануюць дакупляць дадатковы трафік або асобныя паслугі паскарэння інтэрнэту.
У Міністэрстве сувязі заяўлялі, што новыя правілы павінны дапамагчы больш раўнамерна размяркоўваць нагрузку на сеткі. Аднак у сацсетках многія карыстальнікі ўспрынялі такія змены як чарговае абмежаванне карыстання інтэрнэтам для абанентаў.
Чытайце таксама: Русіфікацыя беларускага інтэрнэту: чаму ён даражэе і працуе горш
Будь на связи и в безопасности: подключи BGlobal VPN
Наш канал в Telegram. Присоединяйтесь!
Есть о чем рассказать? Пишите в наш Telegram-бот. Это анонимно и быстро
Сообщить об опечатке
Текст, который будет отправлен нашим редакторам: