Па-багатаму і з помпай: у Пінску адкрылі «Мегахэнд» у стылі «Моднага прыгавору»

Беларускі маркетынг, асабліва калі гаворка ідзе пра адкрыццё новых крам у рэгіёнах, ужо даўно жыве паводле ўласных правілаў. У Беларусі іх нярэдка ператвараюць у сапраўднае шоу.

Чытайце таксама: Паказуха ў Барысаве: у горадзе з помпай адкрылі копіцэнтр

Чарговым такім прыкладам стала адкрыццё новага сэканд-хэнда «Мегахэнд» у Пінску, пра што стала вядома з роліка ў TikTok.

Арганізатары падышлі да імпрэзы з усёй сур’ёзнасцю. Ролік суправадзілі фірмовай музыкай з тэлеперадачы «Модны прыгавор», якая адразу задала патрэбны ўзровень пафасу і стылю.

@pluhpluhh♬ Модный приговор — OST

На кадрах бачна, як вядоўцы ўрачыста зачытваюць праграму, пакуль на фоне сярод вешалак з адзеннем лунае жоўты паветраны шарык, а наведвальнікі павольна ацэньваюць асартымент.

«Гэта толькі адкрыццё Мегахэнда ў Пінску. А цяпер уявіце, як у нас Еўраопт адкрываецца», — іранізуе аўтарка роліка ў TikTok.

Відэа хутка набірае папулярнасць: па стане на 28 ліпеня 2026 года яно ўжо сабрала больш за 4 000 падабаек і перасягнула адзнаку ў 72 000 праглядаў.

Як гэта пракаментавалі беларусы

Карыстальнікі TikTok не стрымалі эмоцыі і пажартавалі з сітуацыі:

• «Ён жа не новы, проста пераехаў 😳»
• «А я думала, што яны так кожны прывоз святкуюць 😂😂😂»
• «Гэта вельмі свэгава».
• «Божа мой, на секунду падумала, што гэта Міранда Прыстлі», — напісала адна з карыстальніц, параўноўваючы вядоўцу мерапрыемства з легендарнай гераіняй фільма «Д’ябал носіць Prada».
• «Беларусы, мы такія 🤘»
• «Ачэпкі амаль як аўтамыйка ў Докшыцах».

Гісторыя паўтараецца: ад «Мегахэнда» да аўтамыйкі ў Докшыцах

Цікава, што гэта далёка не першы выпадак, калі беларускія рэгіёны дзівяць маштабам сваіх імпрэзаў.

Нагадаем, што ў траўні 2026 года сапраўдны фурор у сацсетках зрабіла відэа з урачыстым адкрыццём аўтамыйкі самаабслугоўвання «Аліта» ў Докшыцах.

Тады падзея 1 траўня ператварылася ў сапраўднае народнае свята: з танцамі, музыкай, выступамі маладзёнаў і нават прысутнасцю афіцыйных асобаў з мясцовага райвыканкама.

Гэты ролік у TikTok тады паставіў рэкорды: па стане на 4 траўня 2026 года ролік набраў больш за 123 тысячы падабаек і 1,7 мільёна праглядаў, стаўшы сапраўдным мемам пра «новыя даты ў гісторыі краіны».

Чытайце таксама: В парке Пинска с помпой заменили старый аттракцион на новый — кажется, жители ожидали другого

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро