Сем’і ўдзельнікаў вайны супраць Украіны прывезлі ў Брэсцкую крэпасць

Напярэдадні 22 чэрвеня ў Беларусь прыбыла дэлегацыя з 15 сем’яў удзельнікаў расійскай вайны супраць Украіны з Екацярынбурга і Свярдлоўскай вобласці. Для гасцей арганізавалі некалькі экскурсій, а галоўнай падзеяй праграмы стала наведванне рэканструкцыі абароны Брэсцкай крэпасці, якая традыцыйна праходзіць у ноч на 22 чэрвеня.

Чытайце таксама: «Гэта не Арбат». Расіянка параўнала галоўную вуліцу Брэста з Масквой і выклікала спрэчкі

Арганізатарам паездкі з беларускага боку выступіла Міністэрства ўнутраных спраў Беларусі. Пра гэта паведамляюць уральскія СМІ.

Паездку арганізавалі разам з фондам і былым вагнераўцам

Паводле паведамленняў расійскіх выданняў, з расійскага боку арганізатарам стаў дабрачынны фонд «Ветераны СВО и КТО», якім кіруе Сяргей Паўленка. Фонд прыняў запрашэнне МУС Беларусі і спецпадраздзялення па барацьбе з тэрарызмам «Алмаз».

Дэлегацыю суправаджаў сузаснавальнік фонду, былы баец прыватнай вайсковай кампаніі «Вагнер» Іван Гагарын.

Экскурсіі, храм і ліцэй МУС

Падчас знаходжання ў Беларусі ўдзельнікі дэлегацыі наведалі шэраг прамысловых прадпрыемстваў у Мінску.

Таксама яны пабывалі ў Храме-помніку ў гонар Усіх Святых і ў памяць аб ахвярах, якія паслужылі выратаванню Айчыны, дзе прынялі ўдзел у літургічнай службе і, як паведамляецца, маліліся «аб здароўі вайскоўцаў — удзельнікаў СВА».

Акрамя таго, як партнёр паездкі, МУС арганізавала для гасцей экскурсію ў свой профільны ліцэй у Мінску.

Сёння адзін клік ці падабайка могуць каштаваць занадта дорага. Гісторыя вашага браўзэра не павінна быць падставай для пераследу. BGlobal VPN. цалкам шыфруе ваш трафік. Заставайцеся ў бяспецы.

Спасылка на падключэнне BGlobal VPN – тут

Кульмінацыя — Брэсцкая крэпасць на світанку 22 чэрвеня

Завяршэннем праграмы стала наведванне мемарыяльнага комплексу «Брэсцкая крэпасць-герой», дзе дэлегацыя назірала за маштабнай ваенна-гістарычнай рэканструкцыяй падзей першых гадзін Вялікай Айчыннай вайны.

Мерапрыемства пачалося каля пяці гадзін раніцы 22 чэрвеня — у час, калі традыцыйна ўспамінаюць пачатак нямецкага нападу на СССР у 1941 годзе.

Як піша расійскае выданне «Сигнал. Урал», на ўдзельнікаў паездкі, чые мужы і бацькі цяпер знаходзяцца на вайне супраць Украіны, асаблівае ўражанне зрабіла пастаноўка, пабудаваная на кантрасце паміж сцэнамі мірнага жыцця і пачаткам баявых дзеянняў.

Чытайце таксама: «Рускі мір» у Магілёве? Горад за адзін дзень адкрыў адразу тры новыя расійскія аб’екты

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро